Úrvinnsla umsókna og ráðningarferlið?

Þegar atvinnurekandi fær umsóknir í hendur er honum oft vandi á höndum að velja rétta starfsmanninn úr hópi umsækjenda. Hér fyrir neðan eru nokkur atriði sem geta hjálpað við valið:

1. Settu niður á blað þær kröfur sem þú gerir til umsækjenda og forgangsraðaðu þeim.
2. Flokkaðu umsóknirnar þannig að þeir sem uppfylla allar kröfur fari í einn bunka og svo koll af kolli.
3. Einbeittu þér síðan að þeim umsóknum sem uppfylla allar kröfur – lestu þær vandlega yfir og reyndu að mynda þér einhverja skoðun um viðkomandi. Veldu þá úr sem þér líst best á; þar reynir á skynsemi og hyggjuvit.
4. Hafðu samband við umsagnaraðila ef umsækjandi hefur leyft það að honum forspurðum. Spurðu umsagnaraðila um þau atriði sem þú telur skipta máli (geta verið atriði eins og mæting, stundvísi, nákvæmni í vinnubrögðum, söluhæfileikar, samviskusemi, þjónustulund og svo mætti lengi telja).
5. Nú meturðu aftur umsóknir í fyrsta úrtaki út frá meðmælum. Þá sem eftir standa boðarðu í viðtal.

Viðtalið:

1. Til að brjóta ísinn og fá umsækjanda til að slaka á er oft gott að byrja viðtal á léttu spjalli t.d. um veðrið eða nýjustu viðburði.
2. Skýrðu umsækjanda frá því hversu margir verði boðaðir í viðtal og lýstu svo starfinu nánar fyrir honum.
3. Spurðu umsækjanda þeirra spurninga sem þú þarft og gefðu síðan umsækjanda færi á að spyrja sinna spurninga.
4. Athugaðu hvort allt sé komið fram frá báðum aðilum.
5. Skýrðu umsækjanda frá næstu skrefum í ráðningarferlinu og hvenær svars sé að vænta.