Ferilskrá á að vera þannig úr garði gerð að hún endurspegli menntun, reynslu og hæfni umsækjanda. Lengd ferilskrár fer eftir menntun og reynslu en algengt er að ferilskrá rúmist á A4-blaði. Útlit ferilskrár skal vera einfalt og aðgengilegt. Forðast skal allt skraut og flúr. Mikilvægt er að málfar sé stutt, hnitmiðað og vandað og að stafsetning sé í lagi.
Meira
Hvernig leita ég að framtíðarstarfi?
Svar:
Atvinnumiðstöð stúdenta (nú Stúdentamiðlun) hefur þróast þannig að fyrirtæki hafa frekar leitað til hennar varðandi sumar-, hluta- og tímabundin störf. Það kemur þó fyrir að framtíðarstörf berast inn á borð til okkar og því ráðleggjum við stúdentum sem eru að leita að framtíðarstarfi að skrá sig hjá okkur. Ennfremur ráðleggjum við stúdentum að skrá sig hjá öllum öðrum starfandi ráðningaþjónustum. Leit að framtíðarstarfi við hæfi getur tekið langan tíma og krefst því mikillar þolinmæði. Mikilvægt er að leita allra leiða í leitinni. Hér eru nokkur atriði sem vert er að hafa í huga: Útbúðu vandaða ferilskrá (sjá leiðbeiningar um gerð ferilskrár). Skráðu þig á öllum helstu ráðningaþjónustum og pantaðu viðtal við ráðningarfulltrúa þar sem það er í boði. Íhugaðu vandlega hvað þú getur hugsað þér að starfa við og hjá hvaða fyrirtækjum. Sendu ferilskrána þína til þessara fyrirtækja og freistaðu þess að komast í viðtal hjá starfsmannastjóra eða þeim sem hefur með ráðningar hjá fyrirtækinu að gera. Reyndu að nýta þér öll “sambönd”. Gangi þér vel í atvinnuleitinni.
Meira
Hvaða laun á ég að fá? Atvinnumiðstöð stúdenta hefur haft þá stefnu að gefa ekki ráð varðandi launamál, þ.e. hvað viðkomandi á að fá greitt í laun fyrir vinnu sem hann fær fyrir milligöngu atvinnumiðstöðvarinnar. Okkar starf er fyrst og fremst að miðla atvinnu til stúdenta og öfugt. Við ráðleggjum hins vegar stúdentum að leita sér aðstoðar hjá viðkomandi stéttarfélögum.
Meira
Á ég að gera ráðningarsamning?
Svar:
Á ég að gera ráðningasamning? Ákvæði kjarasamninga gera ráð fyrir að allir starfsmenn fái kjör sín staðfest skriflega. Þar þarf að koma fram ráðningartími og eftir hvaða kjarasamningi kaup og kjör eigi að fara. Mikið öryggi felst í því að hafa undir höndum skriflega staðfestingu ráðningar.Ef upp kemur ágreiningur þá getur ráðningarsamningur skipt öllu máli. Á skrifstofu stéttarfélags þíns er hægt að fá frekari upplýsingar um gerð skriflegra ráðningarsamninga og sérstök eyðublöð til að gera slíka samninga. (upplýsingar frá www.réttindi.is)
Meira
Hver er uppsagnarfrestur?
Svar:
Hver er uppsagnarfrestur?
Hugaðu að því að ef þú ætlar að hætta í vinnu þinni að uppsagnarfrestur er gagnkvæmur. Það þýðir að þú hefur sömu skyldu til að virða uppsagnarfrestinn og atvinnurekandi hefur, ef hann segir þér upp.
Við uppsögn þarf einkum að huga að tvennu. Annars vegar aðferðin við að segja upp og hins vegar frestinum þar til uppsögn tekur gildi.
? Uppsögn skal vera skrifleg.
? Uppsagnarfrestur er misjafn eftir kjarasamningum.
Uppsagnarfrestur lengist eftir því sem þú hefur verið lengur í starfi. Kynntu þér reglur um uppsögn og uppsagnarfrest í kjarasamningi eða hjá stéttarfélagi.
Meira
Flestir beiðnir vegna sumarstarfa berast Stúdentamiðluninni í maí og júní. Einstaka fyrirtæki sýna þó meiri fyrirhyggju og byrja jafnvel að huga að sumarráðningum í janúar. Við mælum því með því að námsmenn fari að huga að sumarstarfi ekki seinna en í janúar til febrúar. Ráðlegt er að beita öllum brögðum í leitinni því atvinnumiðlunin getur aldrei útvegað öllum sem skrá sig þar starf.
Meira
Hvenær er best að skrá sig vegna hlutastarfs með skóla?
Svar:
Beiðnir vegna hlutastarfa á haustönn byrja að berast í ágúst og á vorönn strax í byrjun janúar. Því fyrr sem þú skráir þig því meiri líkur á að fá starf. Það er Stúdentamiðluninni í hag að fá umsóknir sem fyrst á skrá vegna hlutastarfa. Komið hefur fyrir að of fáir hafa verið á skrá þegar beiðnir berast og því ekki verið hægt að manna þau hlutastörf sem í boði eru.
Meira
Stúdentamiðlun
Félagsstofnun stúdenta
