Herferðarstarfsfólk hjá Amnesty International

Skemmtilegt, gefandi og vel launað sumarstarf sem er tilvalið fyrir hugsjónaríkt háskólafólk. Amnesty International óskar eftir að ráða starfsmenn í félagaherferð okkar í sumar. Starf þitt felst í að fá fólk til liðs við Amnesty International. Þú munt vinna í hópi einstaklinga og nálgast fólk á götum úti, þannig að það geti kynnst Amnesty á persónulegan hátt, borið fram spurningar og fengið svör um hæl. Við leitum að opnum, jákvæðum og ábyrgum einstaklingum, sem hafa áhuga á mannréttindum. Við bjóðum starfsfólki okkar: fræðslu um mannréttindi; góð laun og gott vinnuumhverfi; innsýn í starf alþjóðlegra félagasamtaka; þægilegan vinnutíma og möguleika á ferðalögum innanlands. Amnesty International eru stærstu mannréttindasamtök í heimi. Hugsjón þeirra miðar að heimi þar sem sérhver einstaklingur nýtur allra þeirra réttinda sem fólgin eru í Mannréttindayfirlýsingu Sameinuðu þjóðanna og öðrum mannréttindasáttmálum. Með það að markmiði sinnir Amnesty International rannsóknum og grípur til aðgerða í því skyni að hindra og stöðva alvarleg brot á mannréttindum, í samræmi við þann tilgang samtakanna að efla virðingu fyrir öllum mannréttindum.

Til baka Ný leit Bókamerkja