Enn minnkar atvinnuleysi

Atvinnuleysi hefur minnkað mjög hratt síðustu vikur og var 1,4% að jafnaði í september síðastliðnum.

Atvinnuleysi hefur raunar minnkað jafnt og þétt allt þetta ár. Aðeins meðal kvenna á höfuðborgarsvæðinu hefur atvinnuleysi verið að sveiflast til yfir árið en hefur einnig minnkað hratt meðal þeirra síðustu 2 mánuði, einkum milli ágúst og september.

Atvinnuleysi hefur ekki mælst minna í einstökum mánuði frá því í október 2001.

Líkur eru á að atvinnuleysi verði svipað eða aukist lítið eitt í októbermánuði ef mið er tekið af þróun undanfarin ár.