Starf sérfræðings við Ferðamálasetur og Hólaskóla

Til rannsóknafólks erlendis.

Starf sérfræðings við Ferðamálasetur Íslands og Háskólann á Hólum er

laust til umsóknar. Umsækjanda er ætlað að starfa að Hólum og stunda

rannsóknir og kennslu á sviðum ferðamálafræði. Staðan skiptist til

helminga milli Ferðamálaseturs og Hólaskóla. Kennsluskylda er gagnvart

þeim síðarnefnda, en rannsóknarskylda gagnvart Ferðamálasetri.

Um ráðningu til þriggja ára er að ræða með möguleika á fastráðningu, með

þeim fyrirvara þó að fyrstu sex mánuðir skoðast sem gagnkvæmur

reynslutími.

Eftirfarandi skilyrði eru höfð til hliðsjónar við ráðningu í stöðuna:

· Að umsækjandi búi yfir sérþekkingu á einhverju eftirtalinna sviða:

Umhverfisfræði, náttúrufræði, menningarfræði eða afþreyingarfræði.

· Að umsækjandi búi yfir reynslu af og þekkingu á ferðaþjónustu á

norðurslóðum.

· Um hæfi umsækjenda fer eftir ákvæðum laga um Hólaskóla, háskólinn á

Hólum.

Umsækjendur skulu láta fylgja umsókn sinni rækilega skýrslu um

vísindastörf sem þeir hafa unnið, ritsmíðar og rannsóknir, svo og

vottorð um námsferil sinn og störf. Með umsókninni skulu send þrjú

eintök af vísindalegum ritum og ritgerðum, birtum og óbirtum, sem

umsækjandi óskar eftir að metin verði (á rafrænu formi í þremur

eintökum). Að auki má senda umsagnir tveggja eða þriggja dómbærra manna

á vísindasviði umsækjanda. Einnig er nauðsynlegt að í umsókn komi fram

hvaða verkefnum umsækjendur hafa unnið að, hverju þeir vinna að núna og

ítarleg lýsing á fyrirhuguðum rannsóknum þeirra ef af ráðningu yrði.

Laun eru samkvæmt kjarasamningi BHM við Hólaskóla.

Umsóknarfrestur er til 20. janúar 2007 og skal umsóknum og

umsóknargögnum skilað í þremur eintökum til Ferðamálaseturs Íslands,

Borgum við Norðurslóð, 600 Akureyri.

Öllum umsóknum verður svarað og umsækjendum tilkynnt um ráðstöfum

starfsins þegar ákvörðun liggur fyrir.

Nánari upplýsingar veita forstöðumaður Ferðamálaseturs Dr. Edward H.

Huijbens, edward@unak.is og deildarstjóri Ferðamáladeildar Hólaskóla

Guðrún Þóra Gunnarsdóttir, ggunn@holar.is.