Styrkir til háskólanáms í Rússlandi og á Tævan

Styrkir til háskólanáms í Rússlandi.
Stjórnvöld í Rússlandi bjóða fram einn styrk handa Íslendingi til háskólanáms skólaárið 2008-2009 og tvo styrki til skemmri námsdvalar eða rannsókna í Rússlandi á sama námsári. Umsækjendur um styrki til háskólanáms í Rússlandi skulu að öðru jöfnu vera yngri en 25 ára og umsækjendur um styrki til skemmri námsdvalar eða rannsókna skulu vera yngri en 35 ára og hafa lokið MA- eða MS-prófi. Fyrrnefndu styrkirnir nema 900 rúblum á mánuði (u.þ.b. 2.500 ísl. kr.) en þeir síðarnefndu 1.500 rúblum á mánuði (u.þ.b. 4.000 ísl. kr.). Að auki verður styrkþegum séð fyrir herbergi á stúdentagarði sem þeir greiða fyrir sömu leigu og rússneskir námsmenn. Styrkþegar greiða sjálfir allan ferðakostnað. Nánari upplýsingar og umsóknareyðublöð fást í menntamálaráðuneytinu.

Styrkir til háskólanáms á Tævan. Ráðuneyti menntamála á Tævan hefur tilkynnt að það bjóði fram styrk handa Íslendingi til BA-, MA- eða doktorsnáms á Tævan. Styrkurinn er til allt að 5 ára, þar af eitt ár til náms í kínversku. Styrktímabilið er frá 1. september 2008. Einnig er boðinn fram einn styrkur til náms í kínversku við háskóla á Tævan námsárið 2008-2009, þ.e. frá 1. september 2008 til 31. ágúst 2009.

Umsóknarfrestur um styrkina er til 7. apríl nk.

Umsóknum skal skila til menntamálaráðuneytisins á sérstökum umsóknareyðublöðum, ásamt tilskildum fylgigögnum.

Nánari upplýsingar og umsóknareyðublöð eru fáanleg í menntamálaráðuneyti.